PINACOTHECA Imaginum illustrium

PINACOTHECA Imaginum illustrium

doctrinae vel ingenii laude, Virorum, nomen libria Iano Nicio Erythraeo haud pridem editi, de quo ipse sic ad Lectorem: Eorum tantum imagines in hanc Pinacothecam intuli, qui, meâ aetate, memoriâ digni exstiterunt, quique me vivô fatô functi sunt suô; neque tamen omnium imagines sum complexus, sed eorum tantum, qui mihi vel amicitiâ coniuncti,

vel auditione et famâ noti fuêre: eos autem, de quibus tacui, iratos non vereor, quod se faisse neglectos querantur; quoniammortui omnino nesciunt irasci: quamquam neglecti non sunt dicendi ii, quorum ego scripta non legerim, quosque ne natos quidem noverim. Prodiit Coloniae Agrippinae A. C. 1645. A' Pinacothecis Romanorum, quae ad insaniam usque olim receptae. Ut enim in Atrio Tablinum, in quo servabantur codices rerum in Magistratur gestarum: Armaria, quae imagines Maiorum continerent, sic Pinacothecae erant, ubi tabulas pictas, aliaque asservari mos erat. Vitruvius, l. 6. c. 7. ipsarum rationem,in aedium metatione, non semel sibi habendam constituit: improbavitque Plin. l. 35. c. 2. nimium earum studium, quod in illis instruendis acreferciendis passim ponebant. Et quidem tabulas pictas curavêre Pictores, quos familiares fuisse Romanis supra diximus. Erat et Officinator a statuis, cuiusmodi legitur fuisse Eutyches nescio quis Augustorum Libertus, et Hermeros Tib. Claudii Caesaris servus Theamidianus ab Marmoribus Magister, qui faciunt ut credant Eruditi, apud Caesares saltem, non Pinacothecas modo, sed et Agalmatothecas,italiceat appellare, in delitiis fuisse; privati enim his Atria referserant sua. Vide Laur. Pignorium Comm. de Servis.